Psa 95 | TUCO | STEP | Anim, tambou ve tapait Yoova. Tiniid iza, ve talool. Pasa, ye Volaaŋa toit ariaŋa to iponpoon ghiit pa koiaad inimale yaam tiina.

aEp 5:19

bMbo 47:2, 48:1

cPil 2:10

dMbo 23:1

eIgham 17:7; Hib 4:7

f1Kor 10:9

gNam 14:21-35; Hib 3:7+,18

Psalms 95

Mbouŋ to poiŋ tamtoghon pa suŋuuŋ

1 Anim, tambou ve tapait Yoova. Tiniid iza, ve talool.
Pasa, ye Volaaŋa toit ariaŋa to iponpoon ghiit pa koiaad inimale yaam tiina.

2 Anim tala tayoon ila nagho, ve tapaiti pa poia toni.
Aliŋaad iza, ve tambou toman tiniid iza, ve tapaiti. ^a
3 Pasa, Yoova, ye Maaron tiina.
Ye kinik tiina kat to ilib pa ndimaronŋa tisob. ^b

4 Mbeb to taan tisob tineep ila nima.
Taan pughu to sila we, le izala lolooz daba paam, ye iŋgin di tisob.

5 Te toman taan, mbeb toni moghon.
Pasa, ye nima to ighur di.
6 Yam anim talup ghiit, ve tasuŋ pa Yoova.
Tatud pani ve taput agheed, ve tapaiti. Pasa, ye to ighur ghiit. ^c

7 Ye Maaron toit, ve iit sipsip toni.
Ye iŋgin ghiit ve mata pait.
Taneep ila ye nima, ve tau ipanpan ghiit. ^d
Aazne, ighaze yam alooŋ Yoova aliŋa ve ataghoni, ghoro poia.

8 Ye isaav payam ighaze: “Apoon lolomim payou, ve azoor ghou inimale muuŋ nditimbumim tighami izi ndug balim to Meriba ve Masa ne malep. ^e

9 Sawa tonenen, you nagham uraat tintina ila lolodi, ve tighita pa taudi matadi.
Eemoghon tighur inim tiou maau. Ve tinoknok tovaaŋ ghou. ^f

10 Tauto lolog padi maau kat irau ndaman tamoot ru.
Ve nasaav naghaze: ‘Ndiran tonowen, lolodi pa titaghon ŋgar tiou maau. Moghon moghon tiyel pa ataam tiou.’

11 Tauto nasaav ariaŋa padi toman ateg yabyab, ve napariaaŋ saveeŋ tiou naghaze:
‘Onoon kat. Ndug to naghaze atedi izi pani, yes irau tilooŋ tila maau. Maau le maau kat!’” ^g